ਕੜਾ


ਮੈ 2 ਕੁ ਸਾਲ ਪਹਿਲੇ ਫਰਾਂਸ ਗਿਆ …ਓਥੇ ਮੇਰੀ ਮੁਲਾਕਾਤ ਪਾਕਿਸਤਾਨੀ ਦੋਸਤਾਂ ਨਾਲ ਹੋਗੀ ..ਮੈ ਓਹਨਾ ਦੇ ਘਰ ਗਿਆ ਬੜਾ ਇਜਤ ਮਾਨ ਕਰਦੇ ਇਥੇ ਸਾਰੇ ਏਕ ਦੂਜੇ ਦਾ …ਓਹ ਮੇਨੂ ਕਹਿੰਦੇ ਮਿੱਤਰ ਇਕ ਕੰਮ ਕਰ ਸਾਡਾ..ਇੰਡੀਆ ਤੋਂ ਪੰਜ ਚਾਰ ਕੜੇ ਮੰਗਵਾ ਕੇ  ਦੇਹ  …ਮੇਨੂ ਸਮਝ  ਨਾ ਆਵੇ ,ਇਹਨਾ ਕੜੇ ਕੀ ਕਰਨੇ ਹੋਣਗੇ ..ਮੈ ਕਿਹਾ ਚਲੋ ਸ਼ੌਕ ਹੁੰਦਾ ..ਦੂਸਰੇ ਦਿਨ ਚੈੱਕ ਹੋ ਗਏ ਮੈਟਰੋ ਦੇ ਬਾਹਰ ਨਿਕਲਦੇ ਹੀ ..ਓਹਨਾ ਦੋ ਚਾਰ ਬੰਦੇ ਘੇਰੇ ਹੋਏ ਸਨ ਪਰ  ਮੈਨੂੰ  ਨਾ ਚੈੱਕ ਕੀਤਾ ..ਵੇਖਿਆ ਕਹਿੰਦੇ ਜਾਓ …ਫੇਰ ਜਦ ਕਈ ਵਾਰੀ ਆਹ ਪੰਗਾ ਪਿਆ ਮੇਨੂ ਸਮਝ  ਲੱਗ ਗਈ ਕੇ ਓਹ ਕੜਾ ਕਿਓਂ ਮੰਗਦੇ ਸੀ ..
ਫੇਰ ਮੈ ਪੁਛਿਆ ਕਿਸੇ ਨੂ ਗੱਲ ਸਪਸ਼ਟ ਹੋ ਗਈ ਕੇ ਕੜੇ ਨੂ ਵੇਖ ਛੱਡ  ਦਿੰਦੇ ਹਨ ..ਬੜੀ ਖੁਸ਼ੀ ਹੋਈ ਕੇ ਪੰਜ ਕਕਾਰਾਂ ਵਿਚੋਂ ਭਾਵੇਂ ਇਕ ਹੀ ਹੈ ਸਾਡੇ ਪੱਲੇ ਏਹਨੂ ਲਾਜ਼ ਨਾ ਲਾ ਦਈਏ ਕਿਤੇ…!!

ਪੁਲਿਸ ਨਾਕਾ –
ਅਲਵਿਦਾ ਕਰਦਿਆਂ ਲਿਸ਼ਕਿਆ
ਸੱਜੇ ਹਥ ਦਾ ਕੜਾ

Advertisements

ਪੰਛੀ


ਅੱਜ ਸਵੇਰ ਤੋਂ ਹੀ ਹਲਕੀ ਕਿਣਮਿਣ ਹੋ ਰਹੀ ਹੈ !ਮੈਨੂੰ ਵੀ ਕੰਮ ਤੋਂ ਘਰ ਆਉਂਦੇ ਮੁੰਹ ਹਨੇਰਾ ਹੋ ਗਿਆ ! ਘਰੇ ਵੜਿਆ ਤਾਂ ਘਰਵਾਲੀ ਨੇ ਹਾਲ ਚਾਲ ਪੁਛਿੱਆ ਤੇ ਪਾਣੀ ਪੀਣ ਤੋਂ ਬਾਅਦ ਚਾਹ ਵੀ ਲੈ ਆਈ ! ਗੱਲਾਂ ਬਾਤਾਂ ਕਰ ਹੀ ਰਹੇ ਸੀ ਐਨੇ ਵਿਚ ਕੈਪਟਨ ਸਿੰਘ ਵੀ ਸਿਰ ਜਾ ਖੁਰਕਦਾ, ਮੀਣਾ ਮੀਣਾ ਝਾਕਦਾ ਅੰਦਰ ਨੂੰ ਸਾਡੇ ਕੋਲ ਲੰਘ ਆਇਆ….ਆਉਂਦਾ ਹੀ ਭਮੱਤਰ ਕੇ ਜੇ ਬੋਲਿਆ “ਉਹ ! ਨੋਰਥ ਵੱਲ ਤਾਂ ਬਹੁਤ ਮੀਂਹ ਸੀ ਅੱਜ ਟਰੱਕ ਵਿਚੋਂ ਬਾਹਰ ਕੁਝ ਨੀ ਦਿਸਦਾ ਸੀ……ਤੇ ਮੀਂਹ ਵਿਚ ਆ ਜਲ ਪੰਛੀ ਜੇ ਵੀ ਬਹੁਤ ਦੁਖੀ ਕਰਦੇ ਨੇ ! ਡਾਰਾ ਦੀਆਂ ਡਾਰਾ ਉੱਡਦੀਆਂ ਨੇ …ਕਦੇ ਇਧਰ ਕਦੇ ਉਧਰ …ਮੀਂਹ ਵਿਚ ਤਾਂ ਅਗਾੜੀਓਂ ਥਾੜ ਥਾੜ ਸ਼ੀਸੇ ਚ ਵੱਜਦੇ ਨੇ.”..ਕੈਪਟਨ ਅਮ੍ਰਿਤਸਰ ਵੱਲ ਤੋਂ ਹੈ ਬੋਲਦਾ ਬਹੁਤ ਵਧੀਆ ਲੱਗਦਾ ਹੈ ਇਹ ਸਾਡੇ ਨਾਲ ਹੀ ਰਹਿੰਦਾ ਹੈ ਤੇ ਇਕ ਟੋ ਵਾਲਾ ਟਰੱਕ ਚਲਾਉਂਦਾ ਹੈ…..”ਆ ਬੈਠ ਯਾਰ ਠੰਡ ਚੋਂ ਆਇਆ ਤੂੰ ਚਾਹ ਪੀ ਲਾ” ਮੈਂ ਉਹਨੂੰ ਚਾਹ ਦਿੰਦੇ ਕਿਹਾ …”ਆ ਹਥ ਚ ਕੀ ਚੱਕਿਆ ਬਾਈ ?” ਨਾਲ ਹੀ ਮੈਂ ਪੁਛਿਆ …”ਉਹ ਕੋਈ ਤਾਂ ਮੇਲ ਬੋਕਸ ਦੇਖ ਆਇਆ ਕਰੋ.. ਜੇ ਅੱਜ ਵੀ ਆਉਂਦਾ ਹੋਇਆ ਨਾ ਦੇਖਦਾ ਤਾਂ ਸਾਰੀਆਂ ਲੈਟਰਾਂ ਭਿੱਜ ਜਾਣੀਆਂ ਸੀ “….ਨਰਾਜਗੀ ਨਾਲ ਮੇਰੇ ਵੱਲ ਇਕ ਚਿਠੀ ਸੁੱਟਦਾ ਬੋਲਿਆ ….
ਮਾਂ ਦੀ ਚਿਠੀ-
ਮੀੰਹ ਵਿਚ ਭਿੱਜਦਾ ਉੱਡੇ
ਪ੍ਰਵਾਸੀ ਪੰਛੀ