ਬੇਗੀ


ਵਆ ਦਾ ਬੁੱਲਾ
ਤਖ਼ਤਪੋਸ਼ ਤੋਂ ਉਡੀ
ਹੁਕਮ ਦੀ ਬੇਗੀ

Advertisements

ਸ਼ਤਰੰਜ


ਸ਼ਾਮ ਦਾ ਵੇਲਾ ਕੱਲ੍ਹ ਬਹੁਤ ਸੋਹਣਾ ਸੀ ! ਮੀਂਹ ਤੋਂ ਬਾਅਦ  ਬੱਦਲਾਂ ਦੀ ਧੁੱਪ ਅੱਖਾਂ ਨੂੰ ਆਵਦੇ ਵੱਲ ਵੇਖਣ ਨਹੀਂ ਸੀ ਦੇਦੀ ! ਇਕ ਦੋਸਤ ਆ ਗਿਆ ਤੇ  ਸ਼ਤਰੰਜ ਦੀ ਬਾਜ਼ੀ ਲਾ ਲਈ ! ਘੋੜੇ ਦੀ ਚਾਲ ਚੱਲਣ ਵੇਲੇ ਵੇਖਿਆ ਕਿ  ਰਾਣੀ ਦਾ ਪਰਛਾਂਵਾ ਪਿਆਦੇ ਤੇ ਪੈ ਰਿਹਾ ਸੀ ! ਜਿਵੇਂ ਰਾਣੀ ਉਸ ਨੁੰ ਕਹਿ  ਰਹੀ ਹੋਵੇ ਕੇ ਤੂੰ ਸਭ ਤੋਂ ਖ਼ਤਰਨਾਕ ਏਂ ਕਿਉਕਿ ਤੂੰ ਰਾਜੇ ਨੁੰ ਵੀ ਮਾਰ ਸਕਦਾ ਏਂ।ਹਵਾ ਚੱਲ ਰਹੀ ਸੀ ਤੇ ਵਿਹੜੇ ‘ਚ ਸੁੱਕੇ ਪੱਤਿਆ ਦਾ ਖੜਕਾ ਕੰਨੀ ਪੈ ਰਹੀ ਸੀ ! ਚਾਹ ਨਾਲ ਸ਼ਤਰੰਜੀ ਚਾਲ ਚੱਲੀਆਂ ਜਾ ਰਹੀਆਂ ਸਨ।
ਘੋੜੇ ਦੀ ਚਾਲ
ਰਾਣੀ ਦਾ ਪਰਛਾਂਵਾ
ਪਿਆਦੇ ਤੇ

ਬੱਦਲਾਂ ਦੀ ਧੁੱਪ
ਪੱਤਿਆ ਦੇ ਖੜਕੇ ‘ਚ ਚੱਲੀ
ਸ਼ਤਰੰਜੀ ਚਾਲ

ਮੱਕੜੀ


ਭੋਜਨ ਦੀ ਤਲਾਸ਼ ਕਿਸੇ ਵੀ ਜੀਵ ਨੂੰ ਚੁਸਤ ਚਲਾਕ ਬਣਾ ਦਿੰਦੀ ਏਂ।ਇੰਝ ਹੀ ਕੱਲ੍ਹ ਸੰਝ ਵੇਲੇ ਘਰੇ ਵੇਖਣ ਨੂੰ ਮਿਲਿਆ,ਕੇ ਇਕ ਪਾਸੇ ਕਿਰਲੀਂ ਸ਼ਿਕਾਰ ਉਡੀਦੀ ਪਈ ਏ ਤੇ ਦੂਜੇ ਪਾਸੇ ਡੱਡੂ ਜੀ।ਫ਼ਰਸ਼ ਤੇ ਸ਼ਿਕਾਰ ਦਾ ਇੰਤਜ਼ਾਰ !
ਪਹਿਲੀ ਵਾਰੀ ਵੇਖਣ ਨੂੰ ਮਿਲ ਰਿਹਾ ਸੀ। ਇੰਨੇ ‘ਚ ਇਕ ਜਾਲੇ ਬਣਾਉਣ ਵਾਲੀ ਮੱਕੜੀ ਦੋਹਾ ਦੇ ਵਿਚਾਲੋਂ ਲੰਘਣ ਲੱਗੀ ਸੀ ਕੇ ਕਿਰਲੀਂ ਨੇ ‘ਵਾਜ਼ ਕੱਢੀ ਤੇ ਡੱਡੂ ਨੇ ਮੱਕੜੀ ਹੱੜਪ ਕਰ ਲਈ । ਮਾਹੌਲ ਬਿਲਕੁਲ ਸ਼ਾਤ ਸੀ ਜਿਵੇਂ ਕੁਝ ਹੋਇਆ ਨਹੀਂ ਤੇ ਫਿਰ ਅਗਲੇ ਸ਼ਿਕਾਰ ਦਾ ਇੰਤਜ਼ਾਰ..
ਕਿਰਲੀਂ ਦੀ ‘ਵਾਜ਼
ਡੱਡੂ ਨੇ ਹੱੜਪੀ

ਪਹਿਲੀ ਮੱਕੜੀ