Category Archives: ਨਿਰਮਲ ਬਰਾੜ

by

ਨਿਰਮਲ ਬਰਾੜ ਦੇ 12 ਹਾਇਕੂ


ਉੱਡਿਆ ਕਾਂ
’ਤੇ ਪਿੱਛੇ ਛੱਡ ਗਿਆ
ਓਹੀ ਬਨੇਰਾ

—-

ਸੁੱਕਾ ਦਰਿਆ
ਬੇਫ਼ਿਕਰੀ ਨਾਲ ਘਾਹ ਚਰੇ
ਇੱਕ ਲੰਗੜਾ ਬਲਦ

—-

ਦੱਬ ਲਈ
ਸ਼ਾਮ ਲਾਲ ਦੇ ਪਕੌੜਿਆਂ ਨੇ
ਮਹਿੰਗਾਈ ਦੀ ਖਬਰ

—-

ਲੰਮੀ ਕੰਧ 

ਇੱਕ ਦੀਵਾ ਬੁਝਿਆ 

ਟੁੱਟੀ ਲੜੀ 

—

ਸਿਖਰ ਦੁਪਹਿਰ

ਮੰਦਰ ’ਤੇ ਮਸਜਿਦ ਵਿਚਾਲੇ

ਮੈਂ ’ਤੇ ਸੂਰਜ

—

ਅੱਧੀ ਰਾਤ

ਇੱਕਠੇ ਹੋਏ ਟਾਹਣੀ ’ਤੇ

ਚੰਨ ’ਤੇ ਉੱਲੂ

—-

ਕਾਮਾ ਖੇਤੋਂ 

ਸਿਰ ‘ਤੇ ਸੂਰਜ 

ਚੁੱਕੀ ਆਉਂਦਾ

—

ਵਾਢੀਆਂ ਦੀ ਰੁੱਤ

ਕਾਮੇ ਦੀ ਦਾਤੀ ’ਤੇ

ਮਘਦੀ ਧੁੱਪ

—

ਸੁੰਨਸਾਨ ਰਾਤ 

ਘੜੀ ਦੀ ਟਿੱਕ-ਟਿੱਕ ਚ ਆ ਰਲੇ 

ਓਹਦੇ ਕਦਮ 

—-

ਪਿੱਛੇ ਛੱਡ ਗਿਆ

ਧੁੰਦ ’ਚ ਰਲਦਾ ਧੂੰਆਂ

ਇੱਕ ਸੁਨਹਿਰੀ ਰੋਟੀ

—

ਸੂਰਜ ਦਾ ਸਫ਼ਰ-

ਪਿੰਡ ਦੇ ਇੱਕ ਮੋੜ ਤੋਂ

ਦੂਜੇ ਤੱਕ

—

ਪੁਰਾਣਾ ਰਿਕਸ਼ਾ
ਰੇਲਗੱਡੀ ਦੀ ਆਵਾਜ਼ ’ਚ ਦਬੀ
ਖੜਕਦੀ ਚੈਨ