ਅਮਿਤ ਸ਼ਰਮਾ ਦੇ 11 ਹਾਇਕੂ


ਮਾਰੁਥਲ-
ਦੂਰ ਵੀ ਪਾਣੀ
ਅੱਖ ਚ ਵੀ

—–

ਕਾਂਨਵੈਟ ਸਕੂਲ-
ਚਿੱਤਰਕਾਰੀ ਮੁਕਾਬਲੇ ਵਿਚ
ਬਾਲ ਬਣਾਵੇ ਝੁੱਗੀ

—-

ਦੰਗਈ
ਗੌਰ ਨਾਲ ਪੜ ਰਹੇ
ਨੇਮ ਪਲੇਟ 

—-

ਸਾਹ ਲੈਕੇ ਮੁਸਕੁਰਾਈ 

ਅਮਰਨਾਥ ਯਾਤਰਾ ਨੂੰ ਜਾਂਦੀ 

ਇਕ ਬਿਰਧ ਔਰਤ 

—–

ਗੰਗਾ ਨਦੀ 
ਫੁੱਲਾਂ ਦੇ ਨਾਲ ਨਾਲ 
ਤੈਰ ਰਹੇ ਫੁੱਲ 

ਸਰਹੱਦੀ ਤਾਰ-
ਬੁਰਕਾ ਚੁੱਕ ਕੇ ਵੇਖਿਆ 
ਹਿੰਦੁਸਤਾਨੀ ਫੁੱਲ 

ਰਾਸ਼ਟਰੀ ਗੀਤ
ਦੰਦੀਆਂ ਮੀਚ ਕੇ ਉਠ ਰਿਹਾ 
ਲੰਗੜਾ ਫੌਜੀ

ਸਕੈਨਿੰਗ ਸੈਟਰ- 
ਬਨੇਰੇ ਤੋਂ ਉਡੀ ਚਿੜੀ 
ਬੈਠਿਆ ਕਾਂ

ਪਿੰਜਰੇ ਦਾ ਤੋਤਾ
ਰੋਸ਼ਨਦਾਨ ਚੋਂ ਵੇਖ ਰਿਹਾ 
ਇੱਕ ਟੁਕੜਾ ਅਸਮਾਨ 

ਤਰਕਾਲਾਂ-
ਗੁਲਾਬ ਸਾਹਮਣੇ 
ਸੂਰਜਮੁਖੀ ਝੁਕਿਆ

—-

ਬਣ ਰਿਹਾ ਘਰ –
ਮੰਮੀ ਪਾਪਾ ਲੜ ਰਹੇ
ਬੱਚੇ ਖੇਡਣ ਘਰ ਘਰ