ਡਾਲਰ


ਸਰਦ ਸਵੇਰ

ਕਾਰ ਤੋਂ ਬਰਫ ਖੁਰਚਦਾ ਆਖੇ

ਚਲੀਏ ਡੋਲਰ ਕੁੱਟਣ

ਨਿਰਮਲ ਪ੍ਰੀਤਮ ਲੋਟੀ

Advertisements

ਸਵੇਗ ਦਿਓਲ ਦੇ 25 ਹਾਇਕੂ


  • ਬਣਾਈ ਪੀਂਘੜੀ
    ਬੋਹੜ ਦੀਆਂ ਜੜ੍ਹਾਂ
    ਝੂਟਾ ਹੌਲੇ ਹੌਲੇ
    ***
    ਹੁਣ ਚੁਗ ਰਿਹਾ
    ਇਕ ਇਕ ਕਰ ਕੇ
    ਖੁੱਦ ਖਿਲਾਰੇ ਕੰਡੇ
    ***
    ਬਾਜ਼ ਬੈਠਾ
    ਸਰਹੱਦ ਦੀ ਵਾੜ
    ਬੱਦਲ ਦੋਨੀਂ ਪਾਸੀਂ
    ***
    ਸਤਲੁੱਜ ਕੰਢੇ
    ਨਿਪੱਤ੍ਰੇ ਰੁੱਖਾਂ ‘ਚੋਂ
    ਛਣੇ ਚਾਨਣੀ
    ***
    ਭਾਲ ਰਿਹਾ
    ਮਲਿਆਂ ‘ਚੋਂ ਬੇਰ
    ਪੱਤਝੜ ਰੁੱਤੇ
    ***
    ਬੱਦਲਾਂ ਢਕਿਆ
    ਪੋਹ ਦਾ ਚੰਨ
    ਹਟੀ ਪੈਣੋਂ ਸਨੋ
    ***
    ਹਾੜ ਦੀ ਧੁੱਪ
    ਭੁੱਬਲ ‘ਚੋਂ ਛੇਂਤੀ ਪੈਰ ਚੁੱਕ
    ਘਾਹ ਤੇ ਰੱਖਿਆ
    ***
    ਪਿਆਸਾ ਰਾਹੀ
    ਹਥੜੀ ਬਿਨ੍ਹਾਂ ਨਲਕਾ
    ਨਹਿਰ ਕਿਨਾਰੇ
    ***
    ਸਰਦੀ ਦੀ ਰੁੱਤ
    ਸ਼ੀਸ਼ਾ ਬਣਦੀ ਜਾਵੇ
    ਫ਼ਰੀਜ਼ਿਗ਼ ਰੇਨ
    ***
    ਬੰਨ ਤੇ ਬੈਠੀ ਸੋਚੇ
    ਕੱਦ ਚੋਅ ਉਤੱਰੂ
    ਕਦੋਂ ਪਹੁੰਚੂ ਭੱਤਾ
    ***
    ਗੱਭਰੂ ਕਨੇਡਾ ਦੇ
    ਧੋਤੀ ਪੱਗ ਚਿੱਟੀ ਦਾੜ੍ਹੀ ਲਾ
    ਪਾਉਣ ਗਿੱਧਾ ਮਲਵਈ
    ***
    ਪਾਰਟੀ ‘ਚ ਦਿਖਾਵੇ
    ਸੱਸ ਦਾ ਦਿਤਾ ਹੋਇਆ
    ਖ਼ਾਨਦਾਨੀ ਕੰਗਣ
    ***
    ਸੇਜਲ ਅੱਖਾਂ
    ਚਾਨਣੀ ਵਾਲੇ ਨਾਲ ਕਰੇ
    ਜੰਗ ਨੂੰ ਭੇਜੇ..ਵਾਲੇ ਦੀਆਂ
    ***
    ਮਿੱਤਰਾਂ ਦੇ ਹਾਇੱਕੂ
    ਪੜ੍ਹਦਿਆਂ ਪੂਰਾ ਹੋਇਆ
    ਸਾਲ 2011
    ***
    ਤੇਜ ਘੁਮ ਰਹੀ
    ਛੱਤ ਤੇ ਲੱਗੀ ਭੰਬੀਰੀ
    ਨਵੇਂ ਸਾਲ ਦੀਆਂ ਛੁੱਟੀਆਂ
    ***
    ਤੇਜ ਸੀਤ ਹਵਾ
    ਪੀਂਘਾਂ ਝੁੱਲਣ ਪਾਰਕ ‘ਚ
    ਝੂਟਣ ਵਾਲਿਆਂ ਬਿਨ੍ਹਾਂ
    ***
    ਮਹਿੰਦੀ ਸਜੀ ਧੀ
    ਨੁੱਕਰੇ ਬੈਠੇ ਬਾਪ ਦਾ
    ਚਿਹਰਾ ਉਦਾਸ
    ***
    ਸਰਦ ਰੁੱਤ
    ਘਾਹ ਤੇ ਚਿੱਟੀ ਚਾਦਰ
    ਉੱਪਰ ਪੈੜਾਂ
    ***
    ਇਕ ਚੰਨ
    ਦੀ ਖ਼ੂਬ ਚਾਨਣੀ
    ਦੂਜਾ ਰੁੱਠਿਆ
    ***
    ਟ੍ਰੈਡਮਿਲ ਤੇ ਤੁਰਦਿਆਂ
    ਮਨ ਵਿਚ ਲਿਖੀਆਂ
    ਹਾਇੱਕੂ ਸਤਰਾਂ
    ***
    ਬੇਲ ਲਿਪਟੀ
    ਕੰਡਿਆਂ ਲੱਦੀ ਥੋਰ
    ਕਾਸ਼ਣੀ ਚਿੱਟੇ ਫੁੱਲ
    ***
    ਸਰਦ ਰੁੱਤ
    ਬਗੀਚੀ ਗੁੱਡ ਰਿਹਾ
    ਬਰਫ਼ ਪੈਣ ਤੋਂ ਪਹਿਲਾਂ
    ***
    ਨਿੱਘੀ ਨਿੱਘੀ ਪੌਣ
    ਮੋਈ ਮਮਾਂ ਦੀ ਫੋਟੋ ਮਿਲੀ
    ਬਾਪ ਦੇ ਗੁਟਕੇ ‘ਚੋਂ
    ***
    ਘਰ ਦੀ ਸਫਾਈ
    ‍ਮਿਲੀ ਮਾਂ ਦੀ ਸੰਦੂਕੜੀ ‘ਚੋਂ
    ਬਚਪਨ ਦੀ ਖੁੱਦੋ
    ***
    ਸੇਬਾਂ ਦਾ ਬੂਟਾ
    ਛਾਂਟ ਛਾਂਟ ਕੱਟੇ ਟਾਹਣੀ
    ਗੁਆਂਢੀ ਗੋਰਾ